Që në hyrje, dukshëm vihej re pamja fantastike e një pjese të qytetit, e cila pasqyrohej tek një pishinë e jashtme. Në ambientin e brendshëm arredimi më ngjau pak oriental megjithatë, dukej se ende nuk kishte marrë formën përfundimtare në tërësi.
Në të tilla investime, thjesht të qenit në atë ambient është një përvojë në vetvete, por ajo që pyesnim veten me miqtë teksa darkonim është se çfarë do të ofroj Arka për ta bërë përvojën tonë unike që ne të ri-kthehemi?
Në vende të sapo promovuara kërkohet patjetër rezervim paraprak, por një këshillë për të gjithë djemtë e vajzat që përgjigjen në telefon është kjo: Klientët nuk janë miqtë tuaj, duhet t’u drejtoheni me “JU” dhe jo “kur e do ti, për sot? Në çfarë ore e do?” E pasi bëhen të gjitha këto pyetje kërkohet edhe info me sms duke zhvlerësuar bisedën telefonike.
Kur të kenë ndryshuar menu-në e kuzhina të jetë konform prestigjit të vendit, më thoni që të rikthehem. 
