Për nga vetë emri (i cili i referohet kulturës tradicionale nomade arabe), në kontekstin e një restoranti, ky vend shfaq elementë që evokojnë një kamp beduin me tenda, ndenjëse të uleta, tavanë prej kashte e fenerë. Mbi gjithçka, me shijon fasada totalisht me xham që përçon dritë si edhe rregullsia e plazhit përreth ku fëmijët luajnë të qetë sepse nuk kanë ku të shkojnë.
Ushqimi: Bedouin ka gatime deti, është përpjekur që për zonën të sjellë koncept jo standard (si psh. ka patur sushi të cilat nuk e di përse këtë vit nuk i shërbejnë më).
Sigurisht, nuk pres të kem cilësinë më të mirë sushit në Gjir të Lalëzit, por realizoheshin mesatarisht mirë dhe na shijonin.
Restoranti ofton taco, brumi i të cilave ka nevojë për përmirësim sepse ngjason më shumë me patatina, sallatat e pastat janë të këndshme, ëmbëlsirat nuk janë sektori më i fortë i restorantit, sidoqoftë në tërësi kuzhinës i vlerësoj përpjekjen.
Shërbimi: sikundër kam shumë kohë që e frekuentoj, restorantin e kam parë në ditë të mira e në ditë të vështira. Jashtë sezonit shërbimi është i përkujdesur ndërsa në ngarkesë (kam qëlluar në fundjavë Qershori por jo në pikun e sezonit), fillojnë problematikat tipike të restoranteve buzë detit.
Përmbledhje: Bedouin mbetet ndër restorantet e mia të preferuara të asaj zone, ka patur disa periudha në dimër që e kam gjetur të mbyllyr dhe i sugjeroj menaxhimit të bëjnë lajmërime në platformat zyrtare për operimin e tyre. Do të rikthehem, me shpresen që ky shkrim të jetë i vlefshëm edhe përgjatë muajve të verës 😊
