Enciklopedia e plazheve globale, Beachatlas, ka bërë sipas disa kritereve renditjen e 100 plazheve më të mira në botë.
Sipas kompanisë, kjo është përzgjedhja e parë ndonjëherë që zgjerohet dhe përfshin kritere të ndryshme si vlerat për komunitetin lokal, DEI (diversiteti, barazia dhe përfshirja), ofertat e stilit të jetesës dhe rëndësia kulturore.
Abonohuni për të mos humbur
asnjë artikull nga Ema’s Light!
Si funksionoi procesi i përzgjedhjes dhe cilat dy plazhe evropiane u futën në top 10?
Beachatlas përdori një algoritëm për të përzgjedhur 100 plazhe sipas gjashtë kritereve.
Një kërkesë ishte që destinacioni të mishëronte imazhin tradicional të plazheve me rërë të imët, ujëra të kristalta blu dhe peizazhe piktoreske.
Por plazhet u vlerësuan gjithashtu për jetën e natës, festat e plazhit, ambientin, resortet luksoze dhe për DEI – plazhe gjithëpërfshirëse që sigurojnë që çdo vizitor të ndihet i përfaqësuar dhe komod, pavarësisht nga prejardhja, identiteti ose aftësitë e tyre.
Kriteri i diversitetit natyror u fokusua në shumëllojshmërinë e plazheve natyrore, nga liqenet dhe brigjet e lumenjve te formacionet unike dhe theksoi florën dhe faunën e bollshme, duke nënvizuar pasurinë ekologjike të këtyre mjediseve.
Së fundi, plazhet u vlerësuan për rëndësinë e tyre kulturore.
Lista e ngushtë me 100 plazhe u rendit më pas nga një ekip i gjerë ekspertësh udhëtimesh, blogerësh, gazetarësh dhe influencers të cilët shtuan njohuritë e tyre personale.
Lexoni më shumë:
Reynisfjara në Islandë është plazhi më i mirë në Evropë
Dy plazhe në Evropë u renditën në top 10. Reynisfjara në Islandë zuri vendin e gjashtë. Plazhi ikonik me rërë të zezë përshkruhet si “një testament për zemrën vullkanike të Islandës”.
“Të formuara nga përplasja e llavës nga vullkani Katla dhe Atlantiku i ftohtë Verior, brigjet e tij tregojnë një histori të forcave natyrore”, thuhet në listë.
“Plazhi është gjithashtu shtëpia e kolonave mahnitëse të bazaltit, duke krijuar një peizazh kaq surreal sa ka rrëmbyer imagjinatën e kineastëve dhe fansave të Game of Thrones, Vikings dhe Star Trek”.
Në vitin 2020, National Geographic gjithashtu renditi Reynisfjara si një nga 21 plazhet më të mira në botë.
Nëse planifikoni ta vizitoni, mbani mend se dallgët e detit e bëjnë atë një nga destinacionet më të rrezikshme në Islandë. Këto dallgë gjigante që ngrihen shumë shpejt mund t’i rrëzojnë njerëzit dhe t’i tërheqin në det.
Plazhi përdor një sistem drite për të treguar se cilat zona nuk duhen frekuentuar në një kohë të caktuar.
Plazhi D-Day i Normandisë është një nga më të mirët në botë
Në vendin e 10-të është plazhi Omaha në Normandi, Francë, një vend historik zbarkimi i Luftës së Dytë Botërore gjatë pushtimit të D-Day nga forcat aleate.
Tani, i qetë, plazhi ende mban mbetjet e bunkerëve gjermanë, duke shënuar të kaluarën e tij të historisë…
Burimi: Euronews Travel – përshtatur nga editorët e Ema’s Light
